"Реал"нинг хорватиялик ярим ҳимоячиси Лука Модрич камида кейинги ёзгача жамоада қолади.
Relevo нашри хабарига кўра, 38 ёшли ярим ҳимоячи жорий мавсум якунланганидан кейин "Реал"ни тарк этиш ҳақида ўйлайди. Қайд этилишича, футболчи кам ўйин амалиётига эга бўлаётганидан норози, шу сабабли у бошқа клублар таклифларини кўриб чиқишга тайёр.
Жорий мавсумда Модрич барча турнирларни ҳисобга олган ҳолда тўққизта ўйинда қатнашди ва бирорта ҳам гол ура олмади. Футболчининг "Реал" билан шартномаси 2024 йилнинг июнигача амал қилади. Transfermarkt портали маълумотларига кўра, ярим ҳимоячининг нархи 10 миллион еврога тенг.