"Real"ning xorvatiyalik yarim himoyachisi Luka Modrich kamida keyingi yozgacha jamoada qoladi.
Relevo nashri xabariga ko‘ra, 38 yoshli yarim himoyachi joriy mavsum yakunlanganidan keyin "Real"ni tark etish haqida o‘ylaydi. Qayd etilishicha, futbolchi kam o‘yin amaliyotiga ega bo‘layotganidan norozi, shu sababli u boshqa klublar takliflarini ko‘rib chiqishga tayyor.
Joriy mavsumda Modrich barcha turnirlarni hisobga olgan holda to‘qqizta o‘yinda qatnashdi va birorta ham gol ura olmadi. Futbolchining "Real" bilan shartnomasi 2024 yilning iyunigacha amal qiladi. Transfermarkt portali ma’lumotlariga ko‘ra, yarim himoyachining narxi 10 million yevroga teng.













