Нидерландия терма жамоаси марказий ҳимоячиси Виржиль ван Дейк Греция билан ўйиндаги муваффақиятидан сўнг интервю берди.

"Ливерпуль" футболчиси 93-дақиқада пеналтини голга айлантириб, "апельсинлар"га минимал ғалаба келтирди. Эндиликда Рональд Куман жамоаси Евро-2024 финал босқичига тўғридан-тўғри йўлланма берадиган, гуруҳда иккинчи ўринни эгаллаб турибди.

"Биз даҳшатли майдонда ўйнадик. Биз Грецияни қувиб етдик ва энди иккита ғалаба эвазига улардан ўтиб кетдик. Биз бошлаган ишимизни якунлаб, Еврога йўлланма олишимиз керак. Биз буни албатта уддалаймиз", - деди ван Дейк.