ЖЧ-2026 саралаш босқичи 4-тури доирасида Аргентина терма жамоаси сафарда Перу меҳмони бўлиб, ишончли ғалабага эришди.

Баҳснинг 32-дақиқасида Лионель Месси ҳисобни очишга муваффақ бўлди. У қанотдан етказиб берилган тўпни рақиб дарвозасига жойлаб қўйди.

Орадан 10 дақиқа ўтиб Леонинг ўзи ҳисобдаги фарқни иккитага оширди. Унинг бу голи ҳам биринчи голнинг копияси бўлди. Фақат тўп бошқа бурчакдан ўрин олди.

Месси иккинчи бўлимда учинчи тўпни рақиб дарвозасига киритганди, аммо ушбу гол офсайд туфайли бекор қилинди.

Аргентина кетма-кет тўртинчи ғалабани қўлга киритди ва 12 очко билан яққол пешқадамга айланди. Жамоа яқин таъқибчиларидан 5 очкога илгарилаб кетди.

ЖЧ-2026 саралаш. КОНМЕБОЛ, 4-тур
Перу – Аргентина 0:2 (0:2)
Голлар: 0:1 – 32 Месси, 0:2 – 42 Месси.
Перу – Гальесе, Адвинкула, Сантамария (Тапия, 46), Абрам, Лойола (Трауко, 46), Санелатто (Пенья, 67), Йотун, Каррильо, Картахена, Поло (Гримальдо, 46), Герреро (Рейна, 46).
Аргентина – Мартинес, Монтьель (Мартинес, 34), Отаменди, Ромеро (Песселья, 46), Тальяфико (Акунья, 78), Де Поль (Ло Чельсо, 78), Мак Аллистер, Фернандес, Гонсалес, Месси, Альварес (Мартинес, 78).
Огоҳлантиришлар: Йотун (45), Адвинкула (74).