JCH-2026 saralash bosqichi 4-turi doirasida Argentina terma jamoasi safarda Peru mehmoni bo‘lib, ishonchli g‘alabaga erishdi.

Bahsning 32-daqiqasida Lionel Messi hisobni ochishga muvaffaq bo‘ldi. U qanotdan yetkazib berilgan to‘pni raqib darvozasiga joylab qo‘ydi.

Oradan 10 daqiqa o‘tib Leoning o‘zi hisobdagi farqni ikkitaga oshirdi. Uning bu goli ham birinchi golning kopiyasi bo‘ldi. Faqat to‘p boshqa burchakdan o‘rin oldi.

Messi ikkinchi bo‘limda uchinchi to‘pni raqib darvozasiga kiritgandi, ammo ushbu gol ofsayd tufayli bekor qilindi.

Argentina ketma-ket to‘rtinchi g‘alabani qo‘lga kiritdi va 12 ochko bilan yaqqol peshqadamga aylandi. Jamoa yaqin ta’qibchilaridan 5 ochkoga ilgarilab ketdi.

JCH-2026 saralash. KONMEBOL, 4-tur
Peru – Argentina 0:2 (0:2)
Gollar: 0:1 – 32 Messi, 0:2 – 42 Messi.
Peru – Galyese, Advinkula, Santamariya (Tapiya, 46), Abram, Loyola (Trauko, 46), Sanelatto (Penya, 67), Yotun, Karrilyo, Kartaxena, Polo (Grimaldo, 46), Gerrero (Reyna, 46).
Argentina – Martines, Montyel (Martines, 34), Otamendi, Romero (Pesselya, 46), Talyafiko (Akunya, 78), De Pol (Lo Chelso, 78), Mak Allister, Fernandes, Gonsales, Messi, Alvares (Martines, 78).
Ogohlantirishlar: Yotun (45), Advinkula (74).