"Манчестер Юнайтед" ҳимоячиси Харри Магуайр кимни ҳозирда дунёнинг энг яхши ярим ҳимоячиси деб ҳисоблайди, деган саволга жавоб берди. Унинг танлови "Реал" ярим ҳимоячиси Жуд Беллингем бўлди.

“Ҳозир дунёда Беллингемдан кучлироқ ярим ҳимоячи йўқ. Ҳеч қандай вариант йўқ. Жуд характери, ажойиб жисмоний шакли ва камтарлиги билан ажралиб туради. У аста-секин ривожланишда давом этмоқда. Ишончим комилки, у худди шу руҳда давом этади. У ажойиб иқтидорга эга", - дея ҳимоячининг сўзларини келтиради Evening Standard.

Беллингем ўтган ёзда "Реал"га ўтган эди. 20 ёшли ярим ҳимоячи ўнта ўйин ўтказиб, ўнта гол урди ва учта голли узатмани амалга оширди.