"Манчестер Юнайтед" ўз ярим ҳимоясини топ футболчи билан кучайтирмоқчи. Tribal Football хабарига кўра, "қизил иблислар" "Реал"нинг 38 ёшли ярим ҳимоячиси Лука Модричга қизиқиш билдирмоқда.
Аввалроқ, матбуотда тажрибали хорватиялик ўйин амалиёти камлиги туфайли январь ойида "Лос-Бланкос"ни тарк этишни режалаштираётгани ҳақида хабарлар тарқалган эди. Англия гранди бундан унумли фойдаланиб, юлдуз футболчини “Олд Траффорд”га тортмоқчи.
Лука Туманли Албинда ўйнаш тажрибасига эга. Хорватиялик футболчи "Реал"га ўтишдан олдин Лондоннинг "Тоттенхэм" жамоасида ўйнаган.
