Миланнинг «Интер» клуби бош директори Жузеппе Маротта айни дамда «Рома»да ижара асосида тўп тепаётган бельгиялик марказий ҳужумчи Ромелу Лукаку ҳақида гапирди.

«Ромелу аллақачон бизнинг ўтмишимиз. У олдин биз билан эди, лекин бу вақтлар ўтди. Ҳозир уни клубда ҳеч ким ўйламайди ва эсламайди», - деди Маротта.

Умуман олганда, Ромелу миланликлар сафида уч мавсум ўтказди. Италия чемпионатининг ўтган мавсумида 30 ёшли бельгиялик «нерадзуррилар» сафида 25 та ўйин ўтказиб, ўнта гол (2 таси пенальтидан) ва 6 та голли узатмани амалга оширган.