Ди Мариянинг Аргентина терма жамоасидаги ютуқлари
Ярим ҳимоячи тез орада терма жамоадаги фаолиятини якунлашини айтди. Анхель Америка кубогидан кейин кетади. Ди Мария Аргентина терма жамоасида қандай ютуқларга эришди?
Ёшлар совринлари
Ди Мария Аргентина терма жамоасида 2008 йилда дебют қилган. Бунгача ёшлар терма жамоаси билан Жаҳон чемпиони (2007) ва Олимпия чемпиони (2008) бўлган. Қолаверса, Ўйинлар финалида айнан Анхель Нигерия билан ўйинда (1:0) ғалаба тўпини киритди.
Америка кубоги
2021 йилда Анхель миллий терма жамоа билан биринчи йирик турнирда ғалаба қозонди. Америка Кубоги финалида аргентиналиклар 22-дақиқада Ди Мариянинг голи эвазига бразилияликларни мағлуб этишди (1:0).
Финалиссима
2022 йилда Ди Мария Америка кубоги ғолиби ва Европа чемпиони ўйнаган янги турнир - Финалиссима ғолибига айланди. Аргентиналиклар италияликларни мағлуб этишди (3:0), Анхель голлардан бирини киритди.
Жаҳон чемпионати
2022 йилда Ди Мария биринчи марта жаҳон чемпиони бўлди. Финалда аргентиналиклар французларни 3:3 (4:2 пен) ҳисобида мағлуб этишди. Анхел голлардан бирини киритди.
Ноёб рекорд
Анхель Ди Мария қитъа чемпионати, жаҳон чемпионати ва Олимпия ўйинлари финалларида гол урган тарихдаги биринчи футболчидир.
Статистика
Анхель Аргентина терма жамоаси сафида 134 та ўйин ўтказиб, 29 та гол урган ва 29 та голли узатмани амалга оширган.
