"Интер Майами" мураббийлар штаби аъзоси Хавьер Моралес аргентиналик ҳужумчи Лионель Месси МЛСнинг навбатдаги турида "Шарлотт" жамоасига қарши ўйинда иштирок этишга тайёрлигини айтди.
"Месси бу ўйинга боради. У майдонда қанча вақт ўтказишини ҳал қиламиз. Леонинг майдонга қайтиши жамоа учун катта мотивация. Бизда шундай футболчи борлиги жуда яхши. Ҳамма унинг қайтиб келганидан ва 100 фоиз тайёр бўлганидан хурсанд", - деди Моралес ESPN билан суҳбатда.
“Шарлотт” – “Интер Майами” учрашуви 21 октябрдан 22 октябрга ўтар кечаси бўлиб ўтади. Бу Месси жамоаси учун жорий мавсумдаги сўнгги ўйин бўлади.
