"Бетис" ҳимоячиси Хуан Миранда фаолиятини Италия чемпионатида давом эттириши мумкин, дея хабар берди журналист Руди Галетти.
Футболчига "Милан" қизиқиш билдирмоқда. "Россонерилар" Миранда учун таклиф тайёрламоқда ва уни қишки трансфер ойнасида қўлга киритмоқчи. Ҳимоячининг “Бетис” билан амалдаги шартномаси келаси ёзда тугайди, яъни италияликлар уни арзонлаштирилган нархда сотиб олишлари мумкин.
Миранда 2021 йилдан бери "Бетис"да ўйнаб келмоқда. Испания чемпионатининг ушбу мавсумида Хуан бешта ўйинда майдонга тушиб, иккита сариқ карточка олди.