«Милан» 2022/23 йилги мавсумдаги молиявий натижалари ҳақида маълум қилди.

Бугун акциядорлар йиғилиши 2023 йил 30 июнь куни якунланган молиявий йил якунларини тасдиқлади.

Клуб тарихида биринчи марта даромад 400 миллион евродан ошди - 404,5 миллион.Бу аввалги ҳисобот давридагидан 106,9 миллионга кўп.

Соф фойда 6,1 миллион сўмни ташкил этди.Охирги марта даромаднинг харажатлардан ошиб кетиши 2006 йилда қайд этилган.

Қайд этилишича, ижобий натижа тижорий даромад ва олинган ҳомийлик (плюс 44,4 миллион евро), телевидение ҳуқуқларини сотишдан тушган даромаднинг ортиши (плюс 41,8 миллион евро), сотувдан тушган даромаднинг ошиши билан боғлиқ. 

Операцион фаолият 78 миллион евро (олдинги йил учун - 47 миллион) даромад келтирди, капитал харажатлар 79 миллионни ташкил этди (олдинги давр учун сальдо ижобий - 21 миллион).

Шунингдек, клуб трансфер бозорида ўтган йилга нисбатан 50,5 миллион евро кўпроқ даромад олди.