Каталониянинг “Барселона” клуби бош мураббийи Хави Эрнандес ярим ҳимоячи Илкай Гюндоганнинг ўйинига баҳо берди.
“Гюндоган мавсумни ажойиб бошлади. Биз унинг қандай мослашгани ва у олиб келган етакчилик фазилатларидан мамнунмиз. Илкай пауза қилишни билади ва бизга хотиржамлик беради. У орқали келган ҳар қандай ҳужумни яхшироқ қилади. Бундай ўйинчи шунчаки бебаҳодир", - деди Хави матбуот анжуманида.
Жорий мавсумда Гюндоган Испания чемпионатида 10та ўйинда майдонга тушиб, иккита голли узатмани амалга оширди.
