"Рома" ҳужумчиси Пауло Дибалага Саудия Арабистони клублари қизиқиш билдирмоқда.
Инсайдер Экрем Конурнинг хабар беришича, аргентиналик футболчига Саудия чемпионатини ҳимоя қилувчи икки клуб қизиқиш билдирмоқда. Трансфер январдаги трансфер ойнаси очилгандан кейин амалга ошиши мумкин. Манбага кўра, потенциал харидорлар 29 ёшли футболчи учун тахминан 35 миллион евро таклиф қилишга тайёр.
Пауло Дибаланинг "Рома" билан шартномаси 2025 йилгача мўлжалланган. Жорий мавсумда форвард Жозе Моуриньо жамоаси сафида 7 та ўйинда иштирок этиб, 2 та гол ва иккита голли узатмага муаллифлик қилган.