"Милан" бош мураббийи Стефано Пиоли "Удинезе"дан учралган мағлубиятдан кейин (0:1) ўз фикрлари билан ўртоқлашди.
"Россонерилар" мавсум бошидан буён А Серияда ғалаба қозона олмаган жамоага ўз майдонида мағлуб бўлди. "Милан"нинг ғалабасиз серияси тўртта учрашувга етди.
"Биз кўрсатмоқчи бўлган ўйинимизни кўрсата олмадик. Бугун биз жуда ёмон ҳаракат қилдик. Ўйин ва натижалар ҳақида қайғуришга асос бор. "Удинезе" муаммо туғдириши мумкинлигини билардик, аммо бугунги ўйин ҳар жиҳатдан "Милан" стандартларига жавоб бермади.
Мухлисларнинг танқидлари адолатли, айниқса менга нисбатан танқид қилинганда. Мен масъулиятни ўз зиммамга оламан", - деди Пиоли Sky Sport нашрига берган интервьюсида.
