"Манчестер Юнайтед" бош мураббийи Эрик тен Хаг ўтган мавсумда Лига кубогида ғалаба қозонган жамоасига ҳурмат бажо келтирди. Шу билан бирга, нидерландиялик мутахассис ўз футболчиларини янада нуфузли совринлар учун курашишга чақирди.

"Ҳамма футболчи ва мураббийлар соврин ютишнинг уддасидан чиқавермайди. Агар сиз кубокни қўлга киритсангиз, нишонлашингиз керак. Ўтган мавсумда биз буни уддаладик, аммо бу "Манчестер Юнайтед" учун етарли бўлмади. Бизнинг олдимизга янада юқорироқ мақсадлар қўйилган", - деди Тен Хаг Center Devils билан суҳбатда.

Эслатиб ўтамиз, "Манчестер Юнайтед" Англия Премьер-лигасида 8-ўринда бормоқда. Жамоа чемпионатнинг 11 учрашувида 5 та мағлубиятга учраган.