"Ал Айн" сафарда "Ал Файҳа"ни 3:2 ҳисобида мағлуб этди ва нимчорак финал масаласини 4-турдан кейин ҳал қилган иккинчи жамоага айланди.
Бугун Шарқ минтақасида Япониянинг "Кавасаки Фронтале" жамоаси ҳам Сергеевнинг "Патум Юнайтед" жамоасини мағлуб этган ҳолда, 4 ўйинда 12 очко билан кейинги босқичга йўл олган эди.
Ўзбек жамоалари орасида гуруҳдан чиқиш учун энг яхши имконият - "Навбаҳор"да бўлиб турибди. Наманганликлар иккита ўйинда ҳеч бўлмаганда 1 очко жамғаришса, кейинги босқич масаласини расман ҳал қилишади. Қолган гуруҳдаги натижалардан келиб чиққан ҳолда, "Навбаҳор" ҳозирги 10 очкоси билан ҳам гуруҳдан чиқиши мумкин. Лекин, жамоамиз 28 ноябрь куни "Ал Ҳилал"га қарши гуруҳ ғолиблиги учун ўйинда фақатгина ғалаба учун майдонга тушишига ҳеч қандай шубҳа йўқ.
"Насаф" кейинги турда, ўз майдонида "Ал Файсали"ни мағлуб этган тақдирда, гуруҳдан чиқиш масаласини деярли ҳал қилган бўлади. "Пахтакор"да ҳам гуруҳдан чиқиш учун минимал имконият сақланиб қолмоқда. Бунинг учун вакилларимиз сафарда, нимчорак финал масаласини ҳал қилган "Ал Айн"нинг оптимал бўлмаган таркибини ва ўз уйида "Ал Файҳа"ни мағлуб этиши зарур бўлади. "Пахтакор" яна 6 очко жамғарган тақдирда ҳам, қолган гуруҳлардаги 2-ўрин соҳибларининг натижаларини кутишга мажбур бўлади.
