Нидерландия терма жамоаси бош мураббийи Рональд Куман "Аякс" футболчиси терма жамоадаги ўринга лойиқ эмаслигини айтиб, Брайан Броббини танқид қилди. Бробби - Эрик тен Хагнинг шон-шуҳрат кунларидан бери клуб билан бирга бўлган кам сонли футболчилардан бири. Аммо унинг муваффақиятлари Куманда заррача таассурот қолдирмайди:
"Мен унга қарадим ва у майдонда нотўғри қарорлар қабул қилади деган хулосага келдим. Мен ўзимга савол бераман - у ўз клубида нима қиляпти? У "Лейпциг"га борди, ўйнамади, қайтди... Менимча Бробби машғулот ўтказмаяпти, у ривожланмаётганини ҳис қиляпман", - дея Куманнинг сўзларини келтиради Ziggo Sports.