"Реал Сосьедад" бош мураббийи Иманоль Альгуасиль Чемпионлар лигасида "Бенфика" устидан қозонилган ғалаба (3:1) ҳақида фикр билдирди.
"Биз яхши ўйнашимиз, мухлисларни ва футболни севадиган барчани хурсанд қилишимиз керак. Ва биз буни қилдик. Мен футболчиларга ажойиб ўйин учун раҳмат айтмоқчиман - нафақат биринчи бўлимда, балки бутун ўйин давомида, чунки олдимизда қийин рақиб бор эди. Куни кеча айтгандим, футболчилар ҳам, мухлислар ҳам мароқли бўлишини, жамоани ёқтиришини, ўйинимиз, ишимиздан мамнун бўлишини истайман. Бу сеҳрли кеча эди", - деди Иманоль Альгуасиль УЕФА расмий сайтига.
