"Жирона" 12 та ўйиндан сўнг Ла Лигада пешқадамлик қилмоқда, аммо мураббий Мишель ўз олдига реал бўлмаган мақсадларни қўймаяпти. Мураббий ҳозир қуйи лигага тушиш хавф остида эмаслигидан хурсанд.
“Биз булутларда учмаймиз. Бу турда чемпионатнинг учдан бир қисмини якунлаймиз ва камида 31 очкога эга бўламиз. Демак, биз аллақачон Ла Лигадаги ўрнимизни сақлаб қолиш вазифасини бажаришга яқинмиз. Энди биз бошқа вазифаларни кўриб чиқишимиз мумкин."
“Мен футболчиларга 53 очкога эришишимиз ва кучли 10таликка киришимиз кераклигини айтдим. Сиз хотиржам бўлишингиз ва оёқларингизни ердан узмаслигингиз керак. Лекин биз моҳиятан элита орасида қолиш вазифасини бажардик”, деди Мишель.
Шанба куни каталонияликлар “Райо Вальекано”га қарши майдонга тушади.
