Шу ҳафтада «Манчестер Юнайтед» яна ўз мухлислари армиясининг ҳафсаласини пир қилди – жамоа Чемпионлар лигаси гуруҳ босқичи 4-турида «Копенгаген»дан меҳмонда мағлуб бўлди (3:4).
Муваффақиятсиз натижаларга қарамай, ҳозирча Эрик тен Хагни «қизил иблислар» лагерида ишдан бўшатиш режаси йўқ.
Бу ҳақда Sky Sports нашрига асосланиб, Transfers News Live хабар бермоқда. Шундай қилиб, Тен Хаг ишлашда давом этади.
«Манчестер Юнайтед» айни дамда Англия чемпионати турнир жадвалида саккизинчи ўринни эгаллаб турибди.
Эрик тен Хаг шогирдлари навбатдаги ўйинини 11 ноябрь, шанба куни «Лутон Таун»га қарши ўтказади.
