Shu haftada «Manchester Yunayted» yana o‘z muxlislari armiyasining hafsalasini pir qildi – jamoa Chempionlar ligasi guruh bosqichi 4-turida «Kopengagen»dan mehmonda mag‘lub bo‘ldi (3:4).
Muvaffaqiyatsiz natijalarga qaramay, hozircha Erik ten Xagni «qizil iblislar» lagerida ishdan bo‘shatish rejasi yo‘q.
Bu haqda Sky Sports nashriga asoslanib, Transfers News Live xabar bermoqda. Shunday qilib, Ten Xag ishlashda davom etadi.
«Manchester Yunayted» ayni damda Angliya chempionati turnir jadvalida sakkizinchi o‘rinni egallab turibdi.
Erik ten Xag shogirdlari navbatdagi o‘yinini 11 noyabr, shanba kuni «Luton Taun»ga qarshi o‘tkazadi.
