«Ал-Аҳли» сафида Саудия Арабистони чемпионатида тўп тепаётган бразилиялик ҳужумчи Роберто Фирмино Европага қайтиши мумкин, деб хабар бермоқда Todofichajes журналистлари.
Манба берган хабарга кўра, 32 ёшли жанубий америкалик футболчини ўз сафига номи ҳали ошкор қилинмаган Премьер-лига клуби қўшиб олмоқчи.
Фирмино «Ливерпуль» сафида Албионда ўйнашда катта тажрибага эга. Роберто 2015 йилдан 2023 йилгача мерсисайдликлар гиганти шарафини ҳимоя қилган.
Бразилиялик футболчининг Саудия клуби билан шартномаси 2026 йилнинг ўрталарига қадар тузилган. Унинг трансфер нархи 15 миллион еврога баҳоланмоқда.
