Уругвай терма жамоаси Аргентинанинг деярли бир йил давом этган қуруқ сериясини тўхтатди.
Амалдаги жаҳон чемпионлари Уругвайга қарши ЖЧ-2026 саралаш босқичи доирасида бўлиб ўтган учрашувнинг 41-дақиқасида гол ўтказиб юборишди. Голни ҳимоячи Роналд Араухо киритди. Opta хабарига кўра, "Барселона" футболчиси 2023 йилда Аргентина дарвозасига гол урган биринчи футболчи бўлди. Аввалроқ, франциялик ҳужумчи Килиан Мбаппе 18 декабрь куни бўлиб ўтган ЖЧ-2022 финалида ҳам "альбиселесте" дарвозасига тўп киритган (3 бор).
Аргентина терма жамоасининг 8 ўйинлик қуруқ серияси тўхтади. Саккиз ҳолатда ҳам жамоа ғалаба қозонганди.
