Марк-Андре тер Штеген соғлиғидаги муаммолар туфайли Германия терма жамоасини тарк этади.

“Унинг белида кучли оғриқ бор. Катта эҳтимол билан у эртага эрталаб Барселонага қайтади, чунки ҳозир биз билан қолишдан фойда йўқ. У ўйнай олмайди, машғулот ўтказа олмайди”, - дейди бош мураббий Юлиан Нагельсманн.

36 ёшли мутахассис, шунингдек, Мануэль Нойер ноябрь ойида терма жамоага чақирилмаслигини ҳам қайд этди.

Тер Штеген жорий мавсумда Ла Лигада 13 та ўйинда майдонга тушди.

Германия терма жамоаси 18 ноябрь куни Туркия билан, 21 ноябрь куни Австрия билан ўртоқлик ўйини ўтказади.