"Тоттенхэм" Рафинья Диас эвазига "Барселона"га ўз футболчисини таклиф қилиши мумкин.
Аввал хабар қилинганидек, бразилиялик вингер "шпорлар"нинг трансфер мақсадига айланган. Бироқ, Sport нашри хабарига кўра, "Тоттенхэм" "Барселона" талаб қилганидек, Рафинья учун 70 миллион евро тўламоқчи эмас, шу сабабли шартномага бошқа футболчи, марказий ҳимоячи Кристиан Ромеро ҳам киритилиши мумкин. Transfermarkt портали 25 ёшли аргентиналик футболчининг нархини 60 миллион еврога баҳоламоқда.
Жорий мавсумда Ромеро “Тоттенхэм”нинг 11 та учрашувида қатнашиб, 2 та гол урди. Жаҳон чемпионининг Лондон клуби билан шартномаси 2027 йилнинг ўрталарига қадар тузилган.
