“Ал-Ҳилол” дарвозабони Яссин Буну Лионель Мессини ўзининг энг қийин рақиби деб билишини айтди.

Марокашлик футболчи ўтган ёзда Саудия Арабистонига кўчиб ўтган ва аввалроқ Испанияда “Севилья” ва “Жирона” жамоаларида ўйнаган.

"Месси - мен майдонда дуч келган энг қийин рақиб, бунга ҳеч қандай шубҳа йўқ. У жарима майдончасида кутилмаганда пайдо бўлиб гол уради, лекин у билан тўқнаш келиш мен учун шараф эди", - дея 32 ёшли дарвозабоннинг сўзларини келтиради Inter Miami News Hub.

Яссин Буну Саудия Арабистонининг жорий чемпионатида 11 та ўйин ўтказиб, 6 та гол ўтказиб юборди ва 7 та учрашувда ўз дарвозаси дахлсизлигини сақлаб қолди.