Аргентиналик ҳимоячи Лисандро Мартинес ўзининг ижтимоий тармоқдаги саҳифасида ўйин олдидан стадионда юз берган тартибсизликлар муносабати билан ҳуқуқ-тартибот идораларининг ҳаракатларидан норозилиги билан ўртоқлашди.
"Бразилия полициясини кузатиш уят! Бу нимаси? Қачонгача бундай манзараларни томоша қилишимиз керак? Бразилияда ҳамма нарса доим бир хил бўлади", - деди Мартинес ижтимоий тармоқда.
Стадионда мухлислар ўртасидаги муштлашув сабаб Бразилия ва Аргентина ўртасидаги ўйиннинг бошланиши кечиктирилди. Аргентина терма жамоаси майдонни тарк этиб, кийиниш хонасига кириб кетди. Натижада ўйин белгиланган вақтдан ярим соат кеч бошланди.
