Хавьер Тебас янги сайловларни эълон қилиш учун Испания Ла Лигаси президенти лавозимини вақтинча тарк этиб туради. Бу ҳақда COPE нашри хабар бермоқда.
Қайд этилишича, Тебаснинг ғояси Ла Лига раҳбари лавозимига яна ўз номзодини қўйишдир.
Айтиш жоизки, Хавьер Тебас 10 йилдан ортиқ вақтдан бери Ла Лигани бошқариб келмоқда - у илк бор 2013 йилнинг баҳорида бўлиб ўтган сайловларда ғалаба қозонган.
Испания Ла Лигасида ўн уч тур ортда қолди. Айни дамда чемпионатнинг кутилмаган пешқадами «Жирона» бўлиб турибди, у мумкин бўлган 39 очкодан 34 очко жамғарган. «Реал Мадрид» 32 очко билан иккинчи ўринни эгаллаб турибди, «Барселона» 30 очко билан кучли учликни якунлайди.
