Уругвай терма жамоаси ва Мадриднинг «Реал» клубининг 25 ёшли ярим ҳимоячиси Федерико Вальверде клубини ўзгартириши мумкин.
Todofichajes журналистларининг хабар беришича, футболчининг хизматларига Саудия Арабистони чемпионати клублари қизиқиш билдирмоқда.
Вальверденинг потенциал трансфери 100 миллион еврога баҳоланмоқда. Уругвайлик ва «қироллик» клуби ўртасидаги амалдаги шартнома муддати 2029 йилнинг ўрталарига қадар мўлжалланган.
Федерико Испания чемпионатининг жорий мавсумида 13 та ўйинда майдонга тушди. Ярим ҳимоячи битта гол ва иккита голли узатмани амалга оширди.
