"Реал" ҳимоячиси Начога қизиқаётган клублар рўйхати кенгайишда давом этмоқда. "Todofichajes" ўз саҳифаларида хабар беришича, "Бетис" 33 ёшли футболчини нишонга олмоқда.
Аввалроқ, миш-мишлар Начони бир қатор клублар - "Интер", "Наполи", "Севилья" ва "Вильярреал" билан боғлаган эди.
Начо 2023 йилнинг ёзида клубини ўзгартириши мумкин эди, аммо кейин у "Реал" билан шартномасини яна бир йилга узайтиришга қарор қилди. Жорий мавсумда ҳимоячи “Лос-Бланкос” сафида 12 та ўйинда майдонга тушди.
Эслатиб ўтамиз, "Transfermarkt" портали мутахассислари Начо Фернандесни 5 миллион еврога баҳоламоқда.
