Ҳуқуқлари "Болонья"га тегишли бўлган шотландиялик ярим ҳимоячи Льюис Фергюсон Италия чемпионатида бошқа клубга ўтиши мумкин.
Tuttosport нашри хабарига кўра, 24 ёшли футболчига Туриннинг "Ювентус" клуби қизиқиш билдирмоқда. “Кекса синьора” вакиллари ноябрь ойи бошида “Болонья”нинг “Лацио”га қарши ўйинида Фергюсон ўйинини томоша қилишди.
Шотландия футболчининг трансфер нархи 12 миллион еврога баҳоланмоқда. Льюиснинг "Болонья" билан шартномаси 2027 йилнинг ўрталарига қадар тузилган.
Италия чемпионатининг жорий мавсумида ярим ҳимоячи 13 та ўйинда майдонга тушиб, 3 та гол урди ва 2 та голли узатмани амалга оширди.
