ОЧЛ нимчорак финал йўлланмаси учун кечадиган "Ас Садд" ва "Насаф" жамоалари ўйини олдидан қатарликлар сафида жиддий йўқотиш бор.

Бугунги учрашувни Эквадор терма жамоаси вингери Гонсало Плата сариқ карточкалари туфайли ўтказиб юборади. Қанот ярим ҳимоячиси жамоанинг ҳужумдаги асосий қуролларидан бири бўлиб, ўтган турда сафарда "Шаржа" дарвозасини ишғол этишга муваффақ бўлган эди.

Стадионга кўпроқ маҳаллий мухлисларни жалб этиш мақсадида, "Ас Садд" раҳбарияти бугунги учрашув учун текин чипталар тарқатмоқда.