"Навбаҳор" бош мураббийи Самвел Бабаян Осиё чемпионлар лгиаси гуруҳ босқичи 6-тури доираисда бўладиган "Мумбай Сити" клубига қарши ўйин олдидан ўз фикрларини билдириб ўтди.

"Осиё чемпионлар лигаси гуруҳ босқичида бизни сўнгги ўйин кутиб турибди. ОЧЛ ўзига хос мусобақа бўлиб, унда ҳар бир жамоа муносиб иштирок этишга ҳаракат қилади. Учрашувда ҳар ким кўзлаган мақсадига эришишга ҳаракат қилади. “Мумбай Сити”ни ривожланаётган жиддий жамоалардан бири деб ҳисоблайман. У ерда мураббийлар штаби ҳамда тажрибали футболчилар бор. Терма жамоа аъзолари ҳам бу жамоа сафида борлигини биламиз. Бор кучимиз билан курашиб, керакли натижани қўлга киритишга интиламиз.

Шуни айтишим керакки, икки нафар ўйинчимиз дисквалификация қилинган. Ўзимизда “Мумбай Сити”га қарши ўйнаганмиз ва ўшанда бу яхши жамоа эканлигига гувоҳ бўлганмиз. Бизга қарши жиддий қаршилик кўрсатганди.

Саудияда ҳам иссиқ ва нам ҳавода ўйнадик. Бу ердаги об-ҳавога ҳам мослашиб, адаптация жараёнини яхши ўтказишимиз керак деб ўйлайман. Нима десам бўлади? Эртанги учрашув олдидан рақибимизни бир қатор устунликлари ҳам бор. Жамоанинг кучли ўйинчилари аввалги ўйинда майдонга тушишмади. Улар эртанги учрашувга яхшигина тайёргарлик кўришди. Лекин биз кўпроқ ҳужум уюштирамиз ва керакли натижага эришишимиз лозим. Чунки биз гуруҳдан чиқишимиз керак. Шу сабабдан учрашув жамоамиз учун ниҳоятда муҳим. Қизиқарли беллашув бўлади. Айтганимдек, Наманганда уларни ўйинини кўрганмиз. Биз ажойиб ўйин кўрсатишга ҳаракат қиламиз", — деди Бабаян.