"Navbahor" bosh murabbiyi Samvel Babayan Osiyo chempionlar lgiasi guruh bosqichi 6-turi doiraisda bo‘ladigan "Mumbay Siti" klubiga qarshi o‘yin oldidan o‘z fikrlarini bildirib o‘tdi.

"Osiyo chempionlar ligasi guruh bosqichida bizni so‘nggi o‘yin kutib turibdi. OCHL o‘ziga xos musobaqa bo‘lib, unda har bir jamoa munosib ishtirok etishga harakat qiladi. Uchrashuvda har kim ko‘zlagan maqsadiga erishishga harakat qiladi. “Mumbay Siti”ni rivojlanayotgan jiddiy jamoalardan biri deb hisoblayman. U yerda murabbiylar shtabi hamda tajribali futbolchilar bor. Terma jamoa a’zolari ham bu jamoa safida borligini bilamiz. Bor kuchimiz bilan kurashib, kerakli natijani qo‘lga kiritishga intilamiz.

Shuni aytishim kerakki, ikki nafar o‘yinchimiz diskvalifikasiya qilingan. O‘zimizda “Mumbay Siti”ga qarshi o‘ynaganmiz va o‘shanda bu yaxshi jamoa ekanligiga guvoh bo‘lganmiz. Bizga qarshi jiddiy qarshilik ko‘rsatgandi.

Saudiyada ham issiq va nam havoda o‘ynadik. Bu yerdagi ob-havoga ham moslashib, adaptasiya jarayonini yaxshi o‘tkazishimiz kerak deb o‘ylayman. Nima desam bo‘ladi? Ertangi uchrashuv oldidan raqibimizni bir qator ustunliklari ham bor. Jamoaning kuchli o‘yinchilari avvalgi o‘yinda maydonga tushishmadi. Ular ertangi uchrashuvga yaxshigina tayyorgarlik ko‘rishdi. Lekin biz ko‘proq hujum uyushtiramiz va kerakli natijaga erishishimiz lozim. Chunki biz guruhdan chiqishimiz kerak. Shu sababdan uchrashuv jamoamiz uchun nihoyatda muhim. Qiziqarli bellashuv bo‘ladi. Aytganimdek, Namanganda ularni o‘yinini ko‘rganmiz. Biz ajoyib o‘yin ko‘rsatishga harakat qilamiz", — dedi Babayan.