Норвегиялик ҳужумчи Эрлинг Холанд АПЛнинг 14-турида «Тоттенхэм»га қарши ўйинда (3:3) бош ҳакам Саймон Хуперни танқид қилгани учун Англия футбол ассоциацияси (ФА) томонидан айбланмоқда. Бу ҳақда Daily Star хабар бермоқда.
Манбанинг таъкидлашича, норвегиялик футболчининг ўйиндан кейин ижтимоий тармоқларда эълон қилган «WTF» хабари интизомни бузганликка асос бўлиши мумкин.
АПЛнинг 14-туридан сўнг «Манчестер Сити» 30 очко жамғариб, чемпионатда учинчи ўринда бормоқда.
Ўз навбатида, Англия чемпионатида худди шундай сондаги ўйинлардан сўнг «Тоттенхэм» 27 очко жамғариб, бешинчи ўринни эгаллаб олди.
