ОЧЛ "B" гуруҳининг сўнгги тур ўйинларидаги триллерни ҳали узоқ вақт эслаб юрсак керак. Ҳайриятки, ҳаммаси биз учун ижобий тарзда якунланди.
Демак, "Насаф" "Ас Садд" майдонидаги дуранг эвазиги 11 очко билан гуруҳ ғолиби сифатида нимчорак финалга йўл олмоқда.
"Навбаҳор" "Мумбай Сити" майдонидаги ғалаба эвазига 13 очко билан энг яхши 2-ўрин соҳиби сифатида нимчорак финалга йўл олмоқда.
"Пахтакор" гуруҳдан чиқиш учун кутаётган 3 та ўйиндан ҳозирча 2 таси "шерлар" кутган натижалар билан якунланди:
- "Ал Файсали" 2:1 "Шаржа" ("Шаржа"нинг очко йўқотиши)
- "Ас Садд" 2:2 "Насаф" ("Ас Садд"нинг очко йўқотиши)
- "Персеполис"-"Дуҳайл" ("Персеполис"нинг очко йўқотиши)
Ҳозирча ҳаммаси Ўзбекистоннинг нимчорак финалда илк марта 3 та жамоа билан мусобақани давом эттиришига қараб кетмоқда. "Пахтакор" эса нима қилиб бўлса ҳам эртага ўз мухлислари қаршисида "Ал Файҳа"ни мағлуб этиши талаб этилади.
