Франциянинг "ПСЖ" клуби ҳужумчиси Килиан Мбаппе фаолиятини "Реал"да давом эттиришга қарор қилди. Бироқ футболчи январ ойида ўз қарорини тасдиқлаши керак, акс ҳолда "Лос-Бланкос" ўз эътиборини "Манчестер Сити" ҳужумчиси Эрлинг Холандга қаратади, деб хабар беради El Debate.

Манбанинг ёзишича, Мбаппе аввалроқ "ПСЖ" билан шартномасини узайтирганидан афсусда. Агар у буни қилмаганида, бугун аллақачон Мадридда ўйнаган бўларди. Январь ойида ҳужумчи "Реал"га ўтиш истагини тасдиқлаши керак ва бу тасдиқ қоғозда мустаҳкамланиши керак.

Жорий мавсумда 24 ёшли Мбаппе Франция чемпионатида 14 та ўйин ўтказиб, 15 та гол урди ва 2 та голли узатмани амалга оширди. 15-турдан кейин "ПСЖ" 36 очко билан турнир жадвалида пешқадамлик қилмоқда.