Каталониянинг «Барселона» клуби ҳимоячиси Серхи Роберто Чемпионлар лигаси гуруҳ босқичининг 6-турида «Антверпен»га қарши ўйиндан сўнг ОАВга гапирди. «Кўк-анорранглилар» бельгияликларга 2:3 ҳисобида имкониятни бой беришди.

«Бу мағлубият плей-офф босқичига чиққанимизга қарамай, бизни жуда ғазаблантирди. Биз бундай мағлубиятларга йўл қўймаслигимиз керак. Биринчи дақиқаларда гол ўтказиб юборишга йўл қўйиб бўлмайди. Бу дарҳол жамоага таъсир қилади. Биз натижадан норозимиз.

Барселона - катта оила. Қийин дамларда имкон қадар бирлашишимиз керак», - деб ёзди футболчи.

«Барселона» 12 очко жамғариб, гуруҳда биринчи ўринни эгаллади.