"Ньюкасл" ҳужумчиси Жоэлинтон Чемпионлар лигасида ҳафтанинг энг яхши голи муаллифи деб топилди.

Бразилиялик футболчининг “Милан” дарвозасига урган голи (1:2) УЕФА расмий сайтида ўтказилган овоз беришда ғалаба қозонди.

Жоэлинтон 33-дақиқада жарима майдончаси ичидан "россонерилар" дарвозасига зарба берди.

Иккинчи ўринни Артур Кабрал (“Бенфика”) “Зальцбург” дарвозасига киритган бўлса, Оскар Бобб (“Манчестер Сити”)нинг “Црвена Звезда” дарвозасига киритган голи кучли учликни якунлади. Мухлислар Самуэль Линонинг ("Атлетико Мадрид") "Лацио"га қарши ўйиндаги голини тўртинчи ўринга қўйишди.

Чемпионлар лигаси гуруҳ босқичининг 6-турида энг яхши голга даъвогарлар бурчакдан тўпни тўғри дарвозага йўллаган "Бенфика" вингери Анхел Ди Мариянинг голига овоз беришмади.