"Манчестер Сити" "Партизан"нинг 17 ёшли ярим ҳимоячиси Матия Попович хизматларига қизиқиш билдирмоқда, дея хабар беради инсайдер Фабрицио Романо ижтимоий тармоқда.

Манбага кўра, футболчи Белград жамоаси билан жорий календарь йили охиригача амалда бўлган шартномасини узайтирмайди, демак, "шаҳарликлар" уни текинга кўлга киритишлари мумкин.

Эслатиб ўтамиз, "Милан" ҳам ёш футболчига даъвогарлик қилмоқда ва октябрь ойидан буён у билан музокара олиб бормоқда.

Жорий мавсумда Попович Сербия ёшлар лигасида 25 та ўйинда иштирок этди ва 11 та гол урди ва жамоадошларига 5 та голли узатмани амалга ошира олди.