"Манчестер Юнайтед" марказий ҳимоячиси Рафаэль Варан клуб билан янги шартнома имзолаши мумкин.
Баъзи маълумотларга кўра, франциялик футболчининг амалдаги шартномаси аввал ўйлангандек 2025 йилда эмас, жорий мавсум охирида якунига этади. Миш-мишлар 30 ёшли футболчининг "Реал Мадрид"га қайтиши ва Саудия Арабистонига ўтиши билан боғлашмоқда, "Бавария" ҳам марказий ҳимоячига қизиқиш билдирмоқда.
Журналист Крис Уилернинг ёзишича, “Манчестер Юнайтед” Варанга маоши камайтирилган янги шартнома таклиф қилишга тайёр. Ҳозир футболчи ҳафтасига 390 минг евродан кўпроқ маош олади ва клуб раҳбарияти худди шу шартлар асосида ҳамкорликни давом эттиришга тайёр эмас.
