Ҳимоячи Федерико Димарко Миланнинг “Интер” клуби билан янги меҳнат шартномасини имзолади, деб хабар бермоқда Италия топ-клуби матбуот хизмати.
26 ёшли футболчининг "нерадзуррилар" билан шартномаси 2027 йилнинг ўрталарига қадар мўлжалланган.
Федерико "Интер" академиясини битирган. Ҳимоячи 2018 йилнинг ёзидан буён асосий жамоада ўйнамоқда.
Димарконинг трансфер нархи 50 миллион евро. Италия чемпионатининг жорий мавсумида футболчи 15 та учрашувда иштирок этди. Федерико учта гол ва тўртта голли узатмани амалга оширди. 18-турдан кейин “Интер” A серияда пешқадамлик қилмоқда.
