"Зенит" клубида селекционер мураббий сифатида ишлайдиган Сергей Ломакин Санкт-Петербургда ўтказилган Ҳамдўстлик кубоги мусобақасини кузатиб борди. У Қозоғистоннинг "Проспорт" нашрига берган интервьюсида унда 4та жамоа яхши таассурот қолдирганини таъкидлаб ўтди.

"Россия ва Украина терма жамоалари ҳақли равишда финалга чиқдилар. Россияликлар ўйиндан ўйинга кучайиб борган бўлсалар, украинлар биринчи ўйиндан бошлаб финалгача бўлган йўлни бир нафасда босиб ўтишди. Иккала жамоа ғолибликни қўлга киритиш учун кураш олиб борди, аммо омад Россияга кулиб боқди. Беларусларни кузатиб бориш ҳам қизиқарли бўлди. Қозоғистон дарвозабони ва ҳимоячилари қўпол хатога йўл қўйишмаганида, чорак финалда бу жамоадан ўтиши мумкин эди. Шунга қарамай, беларуслар кучга тўлароқ кўринишди ва шунинг учун ҳам улар Қозоғистонга ютқазишмади. Ўзбекистон терма жамоаси жуда яхши футбол намойиш қилди. Уларнинг Россияга қарши ўйини ҳеч кимни бефарқ қолдирмади. Қолган жамоалар эса унчалик ёрқин ўйин кўрсатишмади", дейди мутахассис.