Германиянинг “РБ Лейпциг” клуби ва Испания терма жамоаси ярим ҳимоячиси Дани Ольмо ўз миллий жамоасининг бўлажак Европа чемпионати-2024даги истиқболлари ҳақида ўз фикрлари билан ўртоқлашди:
“Менимча, бизнинг жамоа ҳар қандай турнирнинг фаворити ҳисобланади. Биздан ташқари яна бир қанча кучли жамоалар бор.
Булар Франция, Aнглия, Германия ва Италия. Лекин биринчи навбатда ўзимизга эътибор қаратишимиз керак", - дея футболчининг сўзларини келтиради Marca нашри.
Эслатиб ўтамиз, Европа чемпионати 2024 йилнинг ёзида Германиядаги стадионларда бўлиб ўтади. Испания терма жамоаси “В” гуруҳида Италия, Хорватия ва Aлбания терма жамоалари билан куч синашади.
