Дарвозабон Стив Манданда келажаги борасида бир қарорга келди.
L’Equipe хабарига кўра, 38 ёшли посбон "Ренн" билан шартномасини яна бир йилга узайтиришга рози бўлган. Шу тариқа, тажрибали дарвозабон 2024/2025 йилги мавсум охиригача “қизил-қоралар” сафида ўйнайди.
Манданда 2022 йилнинг ёзида "Ренн"га келган. Ўшандан бери дарвозабон жамоа сафида 64 та расмий ўйин ўтказган. Уларда Манданда 67 та гол ўтказиб юборган. Айни вақтда "Ренн" Франция чемпионати турнир жадвалида ўнинчи ўринда бормоқда. Жамоа Лига 1даги навбатдаги ўйинини 13 январь куни ўз майдонида "Ницца"га қарши ўтказади.