Фабио Карвалью "Халл Сити" сафига ўтишга яқинлашмоқда. Ижтимоий тармоқдаги таниқли инсайдер Фабрицио Романонинг хабар беришича, "Ливерпуль" 21 ёшли ярим ҳимоячига "йўлбарслар" учун тиббий кўрикдан ўтишга рухсат берди. Агар муаммо аниқланмаса, Карвалью мавсум охиригача ижара асосида “Халл Сити”га ўтади.
Португалиялик футболчининг шартномасида сотиб олиш варианти мавжуд эмас.
Эслатиб ўтамиз, мавсумнинг биринчи қисмида Фабио Карвалью "Лейпциг" шарафини ҳимоя қилган, аммо у ерда кам ўйнаган. Футболчи яқинда муддатидан аввал "Ливерпул"га қайтди. "Халл Сити" Чемпионшип вакили бўлиб, ҳозирда турнир жадвалида еттинчи ўринни эгаллаб турибди.