"ПСЖ" ҳужумчиси Уго Экитике Aнглияга кўчиб ўтиши мумкин.
Парижликлар 21 ёшли футболчини шу ойда қўйиб юборишга тайёр, чунки у Луис Энрике жамоасида умуман даъвогарлар ролида эмас.
Журналист Лоик Тансининг хабарига кўра, Aнглиянинг “Вулверхэмптон” клуби “ПСЖ”га Экитике бўйича расмий таклиф билан чиққан – инглиз клуби сотиб олиш опцияси билан ижарага олишни маъқул кўрмоқда.
Германиянинг "Вольфсбург" клуби ҳам француз учун курашдан четда эмас. Уго Экитике жорий мавсумда бор-йўғи 8 дақиқа ўйнади, бир марта Лига 1 ўйинида захирадан майдонга тушди.
Трансфермаркт портали экспертлари форварднинг нархини 15 миллион еврога баҳоламоқда.
