"Барселона" бош мураббийи Хави германиялик афсонавий футболчи Франц Беккенбауэрнинг вафоти ҳақидаги хабарга муносабат билдирди. Эслатиб ўтамиз, кеча, 8 январь куни Беккенбауэр 78 ёшида вафот этгани маълум бўлди.
"Футбол илоҳи. Абадий ҳурмат ва ҳайрат. Бардам бўлинг", - деб пост қолдирди Хави ижтимоий тармоқларда Беккенбауэрнинг суратини жойлаштирган ҳолда.
Эслатиб ўтамиз, Беккенбауэр футболчилик фаолияти давомида Германиянинг "Бавария" ва "Гамбург" клубларида, шунингдек, Американинг "Нью-Йорк Космос" клубида ўйнаган. Беккенбауэр Германия терма жамоаси таркибида ҳам бир марта жаҳон чемпиони ва Европа чемпиони бўлган. 1990 йилда Германия терма жамоаси мураббийи сифатида Беккенбауэр жаҳон чемпионатида ғолиб чиқди.
19 турдан кейин "Барселона" 41 очко билан Ла Лигада учинчи ўринда бормоқда. "Реал" чемпионатда пешқадамлик қилмоқда (48 очко).
