Бугун, 8 январ куни “Вильярреал” Испания кубоги баҳсида “Унионистас”га имкониятни бой берди. 1/16 финал учрашуви пеналтилар сериясида (1:1, 6:7) “сариқ сув ости кемаси”нинг мағлубияти билан якунланди.

Бу мағлубият "Вильярреал"нинг барча турнирларни ҳисобга олган ҳолда сўнгги олти ўйиндаги тўртинчи ютқазиғи бўлди.

Илгари Марселино шогирдлари “Валенсия” (1:3), “Реал” (1:4) ва “Реал Сосьедад” (0:3)га ютқазган бўлса-да, “Селта” (3:2) ва “Ренн”ни (3:2) мағлуб этишга муваффақ бўлганди.

19 турдан кейин “Вильярреал” Испания чемпионати турнир жадвалида 19 очко билан 13-ўринда бормоқда.

13 январ куни "Вильярреал" Ла Лиганинг 20-тури доирасида "Лас-Палмас" билан учрашади.